Ludwig van Beethoven (1770-1827) tutga sco Joseph Haydn (1732-1809) e Wolfgang Amadeus Mozart (1756-1791) tar ils trais gronds cumponists da lepoca classica. Er Haydn e Mozart han cumponì sinfonias. Beethoven ha però sviluppà quel gener sco nagin auter. Cun sias contribuziuns è la sinfonia daventada il gener cun il pli grond prestige insumma.
La Novavla sinfonia ha gì sia premiera lonn 1824. En quella ha Beethoven integrà in chor. Quai è stà in grond novum, perquai che fin uss era la sinfonia in gener sulettamain instrumental, senza cuntegn u text. Igl è stà lultima sinfonia che Beethoven ha cumponì. E ses collegas cumponists han anc generaziuns suenter stuì morder ora ils dents cun lierta che Beethoven ha laschà enavos.
