Siglir tar il cuntegn

Header

audio
Richard Wager: Tannhäuser - primaudiziun 1845 a Dresden
MAD
laschar ir. Durada: 59 minutas 59 Secundas.
cuntegn

«O welche Lust…» - l'opera tudestga

La classica da RTR cun musica da Wagner, Weber e Beethoven.

«Grosse Romantische Oper in drei Akten» ha Richard Wagner (1813-1883) numnà ses «Tannhäuser und der Sängerkrieg auf Wartburg». 1845 ha quella gì sia primaudiziun e quai a Dresden. Il patratg fundamental è la liberaziun. Nus tadlain l'uvertura, il chor dals pelegrins che turnan da Roma «Beglückt darf nun dich, o Heimat, ich schaun» ed il marsch «Einzug der Gäste auf der Wartburg».

Carl Maria von Weber (1786-1826); ses «Freischütz» vala sco insatge dal pli german insumma. Da quest'opera ch'ha purtà gronda popularitad al cumponist tadlain nus l'uvertura ed il renumà chor dals chatschadurs «Was gleicht wohl auf Erden».

Il terz: Ludwig van Beethoven (1770-1827). Ina suletta opera ha el cumponì, il «Fidelio». Er qua datti in chor che vegn adina puspè dà, il chor dals praschuniers «O welche Lust». Ed er qua datti in marsch fitg renumà.

Redacziun: Giusep G. Decurtins

Musica – ils ultims tocs

Dapli da «La classica»

Scrollar a sanestra Scrollar a dretga