Siglir tar il cuntegn

Header

cuntegn

Arno Jehli survegn la clav da violina d’aur 2018

La distincziun la pli impurtanta da la musica populara en Svizra va ad in Grischun.

Tadlar

Cun la clav da violina daur vegnan onuradas persunalitads ch'han aquistà gronds merits a favur da la musica populara, instrumentala ed il chant.

Ils ultims onns e decenis èn quai stads musicants sco Hans Fischer, Edy Walliman, Hans Aregger, Domenic Janett e Hans Niederdorfer. Quest atun survegn Arno Jehli, cunfundatur da la Chapella Oberalp, la clav da violina.

En la populara dad oz udis da sias cumposiziuns ed ad el che raquinta dapli da sia vita e carriera e da la chapella Oberalp.