Ils Schmids da Bantigen en il chantun Berna eran gia da giuvens zunt musicals. Ils frars Res, Kurt, Ruedi e lur cusrin Gody Schmid han sunà durant ils onns 70 tar la chapella legendara «Schmid Buebe». Suenter ha mintgin fundà si'atgna chapella e tuts èn daventads musicants e cumponists enconuschents en tut la Svizra.
Dals Schmids udis: «Örgeli-Wätter», «Salz, Pfeffer & Harmonie», ubain il marsch «Meierieder-Hochzit». Quests tocs sunan lur chapellas ed autras furmaziuns.