Andrea Berg è naschida l'onn 1966 a Krefeld en Germania ed ella fa dapi passa 25 onns musica. Ella è la chantadura cun il pli grond success en l'istorgia dals charts tudestgs. Fin oz ha ella vendì pli che tredesch milliuns portatuns e passa 900 emnas ès ella stada en ils charts en Germania! Oz tadlain nus ses 17avel album da studio «Mosaik».
Roland Kaiser, il mega star da la Germania fa gia dapi passa 40 onns cun grond success musica. Ses emprim disc è cumparì l'onn 1976. Dacurt ha ella publitgà ses 28avel album da studio «Alles oder dich». Co che quests dus discs tunan, pudais Vus tadlar en la Stailalva. E cun in zichel cletg savais Vus gudagnar il disc dad Andrea Berg. Bun divertiment e buna fortuna!?
