Siglir tar il cuntegn

Header

audio
Claudia Knapp e Bettina Vital
RTR, Esther Krättli
laschar ir. Durada: 44:16 minutas.
cuntegn

Da pitschens e gronds naufragis

Il Tavulin litterar cun nova litteratura che tschiffa.

Al Tavulin litterar sa scuntran questa giada Bettina Vital, romanista ed amatura da cudeschs, e Claudia Knapp, dunna da cultura e cuntadina d'ulivas. En il center da l'emissiun stattan dus cudeschs ch'han dà da discurrer l'onn passà.

«Was man von hier aus sehen kann» da l'autura tudestga Mariana Leky e «Kraft» da Jonas Lüscher, in roman ch'è vegnì undrà cun il premi svizzer dal cudesch 2017. En lez entupain nus Richard Kraft, in professer da retorica che participescha ad ina concurrenza da filosofia. Ma sia briglianza gida pauc – el fa naufragi en sia vita privata.

«Was man von hier aus sehen kann» è in purtret d'in pitschen vitg nua chè tut tutga ensemen a moda singulara. In roman davart l'amur sut ensainas grevas, amur che para adina da tscherchar las cundiziuns las pli disgraziadas.