Formats sco BigBrother fascineschan forsa era perquai ch'ils participants paran d'avair nagin turpetg. Vivain nus en ina societad che perda sia vargugna e nua che mintgin fa tge che plascha ad el senza resguard per conumans? U èsi il cuntrari e nus sa turpegiain adina dapli? Creschan las spetgas che nus avain envers nus uschè fermamain che nus ans turpegiain sche nus na guardain betg ora sco Heidi Klum u Brad Pitt?
La Marella sa tschenta questas dumondas e sa fatschenta cun la vargugna, sia funcziun e l'influenza ch'ella ha sin noss mintgadi.
Redacziun: Astrid Alexandre