Tschientmilli persunas èn stadas pertutgadas en Svizra a partir dals onns 1850 fin 1970, blers da quels èn stads uffants. Il Museum Retic a Cuira deditgescha sia exposiziun actuala a quest tema e metta ses focus sin istorgias grischunas. Ed er nus prendin sut la marella in chapitel stgir da la Svizra, che sto anc adina vegnir lavurà si. Latiers vegnan a pled la curatura da l‘exposiziun ed istoricra Tanja Rietmann, l‘istoricra Sandra Nay ch'ha tschertgà actas per victimas da talas mesiras e cun l‘istoricra Silke Redolfi, che perscrutescha intervistas cun persunas pertutgadas las consequenzas da lunga durada d'ina uffanza rapida.
«Jau n’hai gnanc pudì dir adia a mes uffant»
Plazzaments administrativs, famiglias stratgas in ord l'auter, adopziuns sfurzadas, plazzaments extrafamigliars d‘uffants, sterilisaziuns sfurzadas: tut questas mesiras vegnan subsummadas cun il term tant tecnic sco massitsch: «Mesiras repressivas per motivs da provediment».
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter