Siglir tar il cuntegn

Header

audio
Tavanasa cun la punt da Robert Maillart. Construida il 1905 ed ida cun la bova dal 1927, che ha custà la vita a 7 persunas.
MORIZ MAGGI / FOTOSTIFTUNG GRAUBÜNDEN
laschar ir. Durada: 38:26 minutas.
cuntegn

Las punts da Tavanasa – tragedias, traffic ed istorgias

In inschigner da renum mundial, la bova dal 1927 ed ina nova punt ch'è oz dentant la veglia – istorgias da trais punts.

A Tavanasa giogan las punts ina rolla centrala. La punt nova da Jürg Conzett, inaugurada l'atun 2016, la punt veglia da Versell ch'ins ha sanà, e lura quella ch'è ida cun la bova e che n'exista betg pli. Fin oz è dentant lezza, la punt da Robert Maillart, la pli enconuschenta, perquai ch'ella era spectaculara per ses temp.

Alice Cathomas era ina mattetta, cura che la bova ha stgarpà il 1927 davent quella punt e custà la vita a set persunas. Era ses tat è mort en la bova. L'ustiera e mussadra Alice Cathomas, l'inschigner da punts Jürg Conzett, l'autur da Tavanasa Arno Camenisch, Rita Cathomas-Bearth ch'è s'engaschada per il mantegniment da la punt veglia e l'etnolog e schurnalist Peter Egloff ch'è sa mess sin ils fastizs da l'istorgia da las punts – els tuts èn colliads en lur moda cun ina u pliras punts da Tavanasa. Ina Marella realisada l'atun 2017.