I vegnan en sasez da la Bosnia, dal Portugal, dal Tibet ubain da Friburg – tut lieus ch'han pauc da far cun la Rumantschia. Ma i han tuttina fatg ragischs en il Grischun ed il rumantsch è daventà ina nova patria linguistica: La Marella ha discurrì cun quatter persunas cun derivanzas dal tuttafatg differentas, ch'èn s'integradas cumplainamain tar nus, e quai betg il davos cun emprender rumantsch.
Sandra Araújo, Vidosava «Nicole» Arpagaus, Karma Lobsang e Stefan Brülhart-Caprez – els tuts san raquintar lur atgnas anecdotas da lur via d'ordaifer vers il cor da la Rumantschia.
