Ils emprims gieus da computer èn stads fitg rudimentars, e schi avevan musica, lura è quai stà savens in pipegiar electronic. En il decurs dals ultims onns e decennis è quai sa midà fitg. Ils gieus èn daventads pli cumplex e pli elavurads. Ed era la musica è sa midada. Nagut pli cun otg tuns electronics. Uss investeschan las fatschentas blers daners per cumponer chanzuns aposta per lur gieus. Quellas cumposiziuns vegnan lura registradas cun orchesters e chors professiunals. Sco per exempel il Czech Film Orchestra and Choir chexista gia dapi il 1943.
Tar films è la musica gia stada impurtanta davent da lentschatta. En ils films mits, sco per exempel quels da Charlie Chaplin, è il clavazin stà essenzial. Era qua ha lindustria cinematografica cumenzà baud ad engaschar orchesters e chors per registrar cumposiziuns fatgas a posta per lur films. Ozendi nèsi betg da simaginar in film grond da Hollywood senza musica monumentala e cumponists sco per exempel Hans Zimmer, èn renumads sin lentir mund. La musica sustegna il maletg cun crear latmosfera giavischada. Uschia san ins savens mo cun tadlar la musica, schigl è ina cumedia, ina romanza ubain in film da horror.
Per lemissiun dad oz avain nus perquai selecziunà insaquantas chanzuns da chors ord gieus da computer e films.
