Siglir tar il cuntegn

Header

audio
RTR, Jérémie Sarbach
laschar ir. Durada: 11 minutas 42 Secundas.
cuntegn

«Il quart sudà – üna skizza ramoschana» da Dumenic Andry

Il raquint dal scriptur engiadinais Dumenic Andry «Il quart sudà» porta il suttitel «üna skizza ramoschana» e maina en il vitg da sia uffanza, en stanza da scola cun la magistra sensibla Luisa Famos.

Download

Il stil subtil da Dumenic Andry è enconuschent ad amaturas ed amaturs da litteratura da lunsch enturn e quai il pli tard dapi chel ha publitgà il cudesch da poesias «Sablun» (Chasa Editura Rumantscha, 2017), chè vegnì undrà cun il Premi da litteratura Svizzer ed è vegnì translatà en diversas linguas.


Dumenic Andry (*1960) ha studegià romanistica a lUniversitad da Turitg e publitgescha texts en revistas e gasettas. Tranter auter ha el publitgà il cudesch cun raquints ed oters texts «Roba da tschel muond» (2002, artori), il cudesch cun prosa curta «Uondas» (2008, editionmevinapuorger), «Suot tschendra» (2013, Sammlung der Schweizer Poesie) ed il tom da poesia «Sablun» (2017, Chasa editura rumantscha).