Siglir tar il cuntegn

Header

Audio abspielen
cuntegn

Adelina Filli: «Per mai era quest onn er in regal»

Download

Ella è musicista da professiun e viva a Rorschach al Lai da Constanza. Ses instrument è il cuntrabass. Ma tgi che patratga uss vi da Ländler e Schottisch è cumplet sin la fallida via. Adelina Filli è ina virtuosa dal Jazz.

Gist per musicistas e musicists è l'onn passà stà ina gronda sfida. Bleras occurrenzas èn vegnidas annulladas, curs e workshops n'han pervia da las mesiras da protecziun betg pudì avair lieu. Adelina Filli, ch'è creschida si a Schlarigna, vesa en quest temp dentant er ina schanza – per ella sezza sco er per l'entira societad.

En il Profil raquinta ella da sia via crappusa tar sasezza e davart la musica grazia la quala ella po exprimer ses sentiments ed uschia entrar en contact cun blera glieud.