Ella pregia da prender patgific en la vita, sezza però fila ella cun tutta forza cun ses velo giu per costas stippas. Alice Kühne da Scuol tutga tar las dunnas pionieras per il sport da downhill en Svizra. Cun 16 onns ha ella cumenzà ina carriera exemplarica, cun be 24 onns era tut fini. En il mund da sport ha ella fatg lexperientscha che be ils resultats quintan, latleta vegn a la curta. Quai vul ella midar uss.
Cun in studi da psicologia e da sport en il satgados ha ella puspè chattà la storta cun il mund da downhill e sengascha uss per las dunnas ed ils giuvenils en il sport. Millis da kilometers fa ella mintgonn cun lauto da cursa, a job, a trenament. Durant blers onns ha ella vivi be en hotels, ina nomada senzabitaziun. Ed en tut questa vita plain speed, ha ella adina era tschertgà la quietezza interna. Sport e psicologia van per ella maun en maun – en il center è adina luman per la psicoterapeuta e terapeuta da sport. Latiers lavura ella cun ipnosa, cun yoga, adina orientada a la situaziun. Ina da las pli grondas sfidas fin uss è però stada da chattar inabitaziun pajabla en Engiadina.
