Siglir tar il cuntegn

Header

Audio abspielen
cuntegn

Andreas Baumgartner: «Ins sto amar ils extrems»

Ed ins sto amar la forza ferma da la natira, di Andreas Baumgartner ch'è ensemen cun sia dunna Ulrica Seiler osp en il profil. Ensemen vivan els dapi 12 onns en l'Islanda. Vulcans, glatschers, cascadas e sablun nair – la natira è omnipreschenta en l'Islanda.

Download

La lingua da famiglia dals Seilers/Baumgartners è il rumantsch, malgrà che Andreas ha emprendì rumantsch ed è creschì si en il chantun Turgovia.

«Per rumantsch funcziuna nossa relaziun meglier, i dat in'autra vibraziun»

Quai di Ulrica Seiler che chatta ch'i saja enorm bel dad esser part dad ina cuminanza che na discurra betg englais.

«Nus amain il rumantsch, e nus amain l'islandais»

Ulrica Seiler ed Andreas Baumgartner han fundà ad Akurey en l'Islanda in'atgna firma, in'agentura da viadi. Quella è spezialisada sin vacanzas da joga ed excursiuns. Il num è program: Inspiration Iceland. En il profil raquintan els da lur lavur e da lur vita cun lur dus uffants en lur nova patria Islanda.