Questa plazza ha ella survegnì cun 28 onns. Sco giuvna dunna en ina posiziun cun uschè bler responsabladad ha ella stuì sa cumprovar – dapli che auters. Quai saja per part stà difficil, di ella oz. Quai haja dentant era motivà ella da mussar ch'ella saja capabla.
En l'emissiun Profil raquinta Claudia Jann co ella è daventada responsabla da medias dals Campiunadis mundials da skis 2017 a San Murezzan, tge sfida ch'il tempo da las medias socialas è stada, pertge che gia ils ultims Campiunadis mundials a Vail/Beaver Creek èn stads intensiv per ella e tge plans ch'ella ha per ses avegnir.