La dunna sportiva, ch'ins vesa savens en gir cun il chaun Queenie, ha però er lavurà en differents lieus sco ospitanta ed hoteliera ensemen cun ses um.
Cun ladopziun da dus mats oriundamain da la Columbia han ils Romerils pudì accumplir in da lur gronds giavischs avant 30 onns e daventar ina famiglia.
Oz lavura la Zuozingra a la scola media, il Lyceum Alpinum, en la partiziun dal «International Baccalaureate».
Il temp liber passenta la dunna da 55 onns gugent faschond spassegiadas en la natira e cun tgirar la biadia da quatter onns.
