Siglir tar il cuntegn

Header

audio
Nadina Derungs
MAD
laschar ir. Durada: 57 minutas 45 Secundas.
cuntegn

Nadina Derungs – «Il 19avel tschientaner è mes predilet»

Temps passads fascineschan ella. La moda, ils films, il mintgadi. Nagina surpraisa che Nadina Derungs ha studegià istorgia. En sasez era quai planisà auter: Rumantsch avess stuì esser ses rom principal. E quai è ina sort surpraisa.

Download

Nadina Derungs è numnadamain creschida si a Buttikon SZ. Ils geniturs èn bain da lingua rumantscha, ma ses mintgadi era surtut tudestg. A la fin è daventà or dal rumantsch be in rom lateral a l'universitad, ma Nadina Derungs è crudada plainamain en la pasta rumantscha.

Saja quai sco lectura da rumantsch a l'universitad da Friburg u sco commembra dal comité d'organisaziun dals Dis da litteratura. Ma er sco translatura d'emissiuns rumantschas per il Teletext u en sia professiun principala sco editura da cudeschs d'uffants per la Lia Rumantscha.

Ma propi entusiassem ha ella per temps passads. Oravant tut per il 19avel tschientaner. Per l'istorgia dal traffic en Grischun da quella giada per exempel – cur ch'ins crajeva anc, ch'ir cun il tren saja malsaun, perquai ch'el giaja memia svelt. «Jau sun ina persuna in pau nostalgica», di Nadina Derungs cun ses 35 onns da sasezza. Alerta en il preschent è ella però segira cun sfunsar cun bavrola en l'aua turchisa dal la mar da las Seychellas.

Dapli da «Profil»

Scrollar a sanestra Scrollar a dretga