El sto savair quai. Sco chemicher chantunal, l'emprim dal Grischun, ed uss dapi 15 onns a Berna, è el ensemen cun ses team, responsabel che las prescripziuns d'igiena vegnan resguardadas en ustarias, mazlarias e furnarias. Co che talas controllas funcziunan, raquinta il Grischun cun ragischs a Mustér en il «Profil» da RTR.
Però sia vaira passiun è la chatscha – ed en il chantun Berna funcziuna quella tut auter ch'en il Grischun. Per exempel cun auto e cun chaun. Quai ch'era l'emprim tut ester per il «Heimwehbündner» declerà, è ussa ses mintgadi. E hockey sin glatsch po el giugar er en sia patria nova – mintgatant perfin cun stustegn da giugaders dal HCD.