Siglir tar il cuntegn

Header

audio
Toni Livers.
RTR, Andreas Wieland
laschar ir. Durada: 57:36 minutas.
cuntegn

Toni Livers - «En sasez vulev’jau far da pur u mecanist»

Il glindesdi da Pasca 2020 ha Toni Livers terminà sia carriera da passlung. Quai suenter 17 stagiuns en la cuppa mundiala, quatter gieus olimpics e nov campiunadis mundials. L'atlet da 37 onns n'ha dentant betg pendì ils skis vi da la paraid, el è restà fidaivel al sport da passlung. 

Oz trenescha Livers ils giuvens atlets sut 23 onns. Daventar profi da passlung n'era dentant mai stà il siemi. Da giuven aveva el numnadamain il giavisch da far da pur u daventar mecanist da maschinas agriculas. Vinavant era il rimnar marcas postalas in da ses pli gronds hobis. Be per casualitad e tut spontan è Toni Livers dentant sa decidì cun 15 onns da bandunar Trun per ir al gimnasi da sport a Tavau. Là ha el er emprendì ad enconuscher sia dunna Seraina Boner. L'onn passà han els maridà ed èn daventads geniturs dal pitschen Leo. 

En il profil raquinta Toni Livers da sia gronda passiun per il sport da passlung e da sia nova vita sco bab da famiglia.