Siglir tar il cuntegn

Header

video
La trocca da sang - Il nov crimi auditiv da RTR
Or da Giuventetgna dals 21.11.2020.
laschar ir. Durada: 1 minuta 31 Secundas.
cuntegn

In vitg en furia da sang La trocca da sang – In crimi auditiv

In um è spari. La detectiva Flurina Casanova vegn engaschada per chattar el. La tschertga maina la detectiva a Trun, in vitg pitschen amez la Surselva. Spert sa sviluppa la tschertga dentant ad in cas criminal. Sin ils fastizs da l'assassin vegn la detectiva l’emprima giada en sia carriera a ses cunfins.

Chapitel 1 – Ina scuverta orribla

La detectiva Flurina Casanova vegn contactada d’ina dunna che fa quitads per il bainstar d’in um ch'è sparì. Da buna speranza sa metta la giuvna detectiva a la tschertga che maina ella a Trun. Là fa ella in scuverta orribla. Spert è cler: Qua stat bler dapli davostiers.

audio
Chapitel 1 da 3
ord La trocca da sang dals 21.11.2020.
laschar ir. Durada: 6 minutas 24 Secundas.

Chapitel 2 – La gruppa da troccas

La detectiva Flurina Casanova tschertga indizis per cumplettar il puzzle criminal. En l’ustaria «Grischott» amez il vitg sa scuntra ella cun ina gruppa che dat troccas e che sa da tut quai che curra e passa en il vitg. Intginas renfatschas pesantas mettan ina dunna spirituala en il focus.

audio
Chapitel 2 da 3
ord La trocca da sang dals 21.11.2020.
laschar ir. Durada: 4 minutas 9 Secundas.

Chapitel 3 – In pitschen detagl

Il cas criminal daventa ina dira nusch. L’emprima giada en sia carriera vegn la detectiva Flurina Casanova a ses cunfins. Tuttenina: In detagl pitschen survis vegn a la glisch. È quai la schliaziun dal cas criminal?

audio
Chapitel 3 da 3
ord La trocca da sang dals 21.11.2020.
laschar ir. Durada: 6 minutas 1 Secunda.

Contribuiders

Lukas Quinter

Avrir la box Serrar la box
Legenda: RTR

L'autur dal gieu auditiv: «La trocca da sang».

Ronja Muoth

Avrir la box Serrar la box
Legenda: RTR

La vusch da la rolla: «la detectiva Flurina Casanova».

Ivo Orlik

Avrir la box Serrar la box
Legenda: RTR

La vusch da la rolla: «Il cumissari da polizia Leo Cathomen».

Sabrina Bundi

Avrir la box Serrar la box
Legenda: RTR

La vusch da la rolla: «l'amia Martina Deplazes».

Lucia Parolini

Avrir la box Serrar la box
Legenda: RTR

La vusch da la rolla: «La spirituala Ladina Tschenett».

Gian Carlo Candinas

Avrir la box Serrar la box
Legenda: RTR

La vusch da la rolla: «Il cumpogn da troccas Giachen Casutt».

Claudia Cadruvi

Avrir la box Serrar la box
Legenda: RTR

La vusch da la rolla: «L'ustiera Ida Derungs».

Inspirà da Philip Maloney

«La trocca da sang» è il prim crimi auditiv da noss redactur Lukas Quinter. El haja gia adina vulì scriver ina giada in tal perquai ch'i saja spezial co che tuns, musica e l'istorgia ensemen cun ils maletgs en il chau, creeschian emoziuns e tensiun. El saja adina stà fascinà dal detectiv privat Philip Maloney or dals gieus auditivs da radio SRF 3.

Il crimi gioga a Trun en Surselva. Per ina econuscha l'autur bain il vitg e per l'autra sa fetschia quel bain per l'atmosfera d'in cas criminal fictiv. Quai tranter auter sco vischnanca rusticala cun chasadas da lain.

audio
La trocca da sang – L'idea davos il gieu auditiv
ord Actualitad dals 21.11.2020.
laschar ir. Durada: 3 minutas 1 Secunda.

E pertgè gist il gieu da troccas? Perquai che las figuras sco la mort u il narr fascineschian e per l'autra era per giugar cun insatge ch'è fitg indigen en Surselva. Uschia possian ins era giugar cun tscherts clischés – sco p. ex. la gruppa da troccas enturn la maisa rodunda da l'ustaria dal vitg che sa natiralmain da dir insatge tar tut quai che curra e passa en il vitg.

RTR actualitad 06:00

Artitgels legids il pli savens