Siglir tar il cuntegn

Header

cuntegn

Nossa cuschina Ervina Bernet-Hendry fa gugent experiments en iert e cuschina

Durant il mais d'avrigl è RTR osp en l'iert ed en la cuschina dad Ervina Bernet-Hendry. La Tujetschina ch'è creschida si a Sedrun, viva dapi passa 30 onns a Gommiswald en il chantun Son Gagl ed è ina ortulana e cuschiniera passiunada.

Sper la cuschina tradiziunala e regiunala experimentescha Ervina Bernet-Hendry gugent cun spaisas da tut il mund per pupragnar ses um e ses dus figls creschids. Uschè propona ella tranter auter in recept per pesch en pachets d'urtais cun ina sosa da safran e flocs da mel d'avieuls.

«Mia cuschina è varianta e creativa cun products da la stagiun.»

Il pli gugent va Ervina Bernet en ses iert per verdura e cuschina spontan tenor gust e plaschair. En ses iert cultivescha ella farbuns, tartuffels da pliras sorts, agl e tschagulas, cardifiol, broccoli, cucumeras, zitgas, diversas salatas, tomatas e bler auter. Ils urtais na dastgan natiralmain betg mancar en l'iert dad Ervina Bernet. Tar ella vegnan Grischunas da la regiun per ils urtais ed tschagugliuns da far capuns.

«Atgnamain è mes iert era qua per auters, betg mo per nus.»

RTR nossa cuschina 10:15