-
Bild 1 von 16. Oasa accoglienta sin il bain creativ a Degen. Bildquelle: MAD.
-
Bild 2 von 16. La maisa è cuverta e pronta per ils giasts. Bildquelle: MAD.
-
Bild 3 von 16. Catering per ina festa en il liber. Bildquelle: MAD.
-
Bild 4 von 16. Salata da verduras brastuladas. Bildquelle: MAD.
-
Bild 5 von 16. Ina creaziun sin il buffet da catering. Bildquelle: MAD.
-
Bild 6 von 16. Biscuits da Nadal tar il café. Bildquelle: MAD.
-
Bild 7 von 16. Paunins cun salata, chaschiel e carschun. Bildquelle: MAD.
-
Bild 8 von 16. Desert - siemi d'ampuauna. Bildquelle: MAD.
-
Bild 9 von 16. Colur e savur ord la cuschina creativa. Bildquelle: MAD.
-
Bild 10 von 16. Paunins emplenids cun salata. Bildquelle: MAD.
-
Bild 11 von 16. La Stiva a Degen in lieu per bels muments. Bildquelle: MAD.
-
Bild 12 von 16. Buffet d'apertitiv en ina scrinaria. Tut è pussaivel da realisar. Bildquelle: MAD.
-
Bild 13 von 16. Buffet per aperitiv da nozzas. Bildquelle: MAD.
-
Bild 14 von 16. Paunins decorads cun flur da capuziner. Bildquelle: MAD.
-
Bild 15 von 16. Ramona Caduff en sia Stiva a Degen. Bildquelle: MAD.
-
Bild 16 von 16. Ramona Caduff è ina dunna plain ideas. Bildquelle: Gaby Degonda.
Jau sun creativa ed in tip che fa senza lungas ponderaziuns.
En l’emprima seria da Nossa cuschina da l'onn 2021 ha Ramona Caduff accumpagnà nus. Ramona è oriunda da Breil, ella ha fatg il giarsunadi da commerzi tar in biro fiduziari. Pli tard ha ella lavurà en la gastronomia e scuvert l'amur per la cuschina. L'onn 2008 han Edi Caduff e sia amia Ramona surpiglià il bain puril da la famiglia a Degen. Il giuven pèr ha uschia pudì realisar ses siemi e schlargiar lur manaschi da puraria biologic – tar in vair paradis creativ per giasts da vacanzas ed indigens. L'onn 2013 han els maridà.
La natira, la lavur e mes um Edi fan mai ventiraivla.
Il manaschi da Edi e Ramona Caduff è creschì. Sper la puraria cun tegnida da vatgas-mamma vegn cultivà sin prà, en iert e curtin products biologics. Entant porschan els servetsch da catering, l'ustaria Stiva a Degen e producziun da products preparads per la vendita regiunala.
Ils recepts
La puraria è il resort da Edi. Per il manaschi da l'ustaria Stiva ed il servetsch da catering è Ramona responsabla. Charn, verduras, fritgs ed ervas – tut frestg, stagiunal e biologic dal bain puril sa tschentan sin il taglier dal giast u sin ils bels buffets da catering. Cuschina frestga, moderna e creativa è la devisa da Ramona Caduff.
Tut sto constar: il gust, las colurs e la vaschella.
En la cuschina da Ramona vegnan dentant era producids products preparads per la vendita en stizuns regiunalas e stizuns da bio. Radund 400 kilos raviolis pon Ramona e sias gidantras producir en in mais. Durant il schaner ans ha Ramona Caduff tradì quatter delizius recepts da sia cuschina creativa. Ella ans ha raquintà da sia lavur, las sfidas e plaschairs tar sia lavur.