Siglir tar il cuntegn

Header

audio
Hubert Venzin, actur e reschissur
RTR, Hubert Giger
laschar ir. Durada: 2 minutas 34 Secundas.
cuntegn

Hubert Venzin: Plaschair e cumpagnia fan turnar sin tribuna

La Cumpignia da teater Rueras dat la cumedia: «Igl Otto va en pensiun». I sa tracta d'ina cumedia en trais acts. Reschissur ed actur è Hubert Venzin.

Sentì ina stancladad

Dal 2010 enfin il 2015 ha la Cumpigna da teater Rueras fatg ina pausa. Suenter 30 onns haja el sentì ina stancladad, ed el haja vulì prender in mument distanza, di Hubert Venzin che ha 59 onns. Els avevan quasi schlià la gruppa, mo el haja proponì da laschar avert ina fanestra pitschna, e quella haja el avert lonn passà. Els sajan alura turnads enavos sin tribuna, mo questa giada a Sedrun en chasa da scola. Quella saja pli gronda e porschia dapli pussaivladads.
Hubert Venzin di chel saja er sa decidì da turnar anc ina giada sin tribuna sco engraziament visavi acturas ed acturs. E quai che motivescha els da far teater sajan il plaschair e la cumpagnia.

La Cumpignia da teater sa preschenta quest onn per la 34avla giada. Schebain ella cuntinuescha il 2017 na saja anc betg decidì, di Hubert Venzin.


Il toc «Igl Otto va en pensiun» vegn dà pliras giadas:

Venderdi,ils 21 d'octobera las 20:00
Sonda,ils 22 d'octobera las 20:00
Dumengia, ils 23 d'octobera las 17:00
Venderdi,ils 28 d'octobera las 20:00
Sonda,ils 29 d'octobera las 20:00

Dapli da «Total local»

Scrollar a sanestra Scrollar a dretga