Siglir tar il cuntegn

Header

audio
Il cumponist, dirigent e chantadur Armin Caduff da Danis
RTR, Linus Livers
laschar ir. Durada: 03:54 minutas.
cuntegn

Il musical rumantsch Frisal – Frisal turna enavos

La stad preschenta Armin Caduff e la «Compagnia Rossini» in musical rumantsch, la cuntinuaziun da Frisal-Frisal.

Tadlar

Lonn 1979 è il musical Frisal-Frisal vegnì preschentà a Danis-Tavanasa. Il cumponist da lura Armin Caduff ha per il giubileum da 40 onns da sia «Compagnia Rossini» cumponì ina cuntinuaziun dal musical da success. Quai saja stà blers onns in giavisch da cuntinuar listorgia dal vitg fictiv da Frisal, ma era da cumponer puspè in musical en rumantsch, di Armin Caduff. A partir da mez fanadur vegn il musical preschentà a Danis-Tavanasa. Per far quai vegn la halla da gimnastica transfurmada en ina sala da teater.

Il toc sa basa sin ina istorgia engiadinaisa

Linspiraziun per il musical ha Armin Caduff survegnì tras la listorgia dal «Gion chavrer». En questa istorgia vegn il chavrer da dressar las chauras a moda militara chels marschan e diverteschan il vitg. En lemprim musical Frisal-Frsial che gioga ils onns 1920 vegn il chavrer da dressar las chauras chellas chantan e sautan. Quai daventa tar ina attracziun ed attira era turists. La suprastanza da la vischnanca fictiva Frisal vul nizzegiar quai era cun construir ina viafier. Ma tras scuidanza e engurdientscha datti dispita uschia che las chauras vegnan tissientadas uschia che quai vegn ruassaivel el vitg.

Il musical actual Frisal-Frisal

Listorgia actuala gioga ils onns 1950 nua china chavrera ha danovamain dressà ina cumpagnia da chauras. Ma sulet cun chant e sautar na tanscha quai betg pli da carmalar ils turists, uschia chi dat ina nova idea. Ma tradir dapli dal musical na vul Armin Caduff betg. Sulet che l‘emprim act sa numna la planisaziun ed il segund linauguraziun. I vegn er a dar in chor che represchenta la populaziun dal vitg ed in chor duffants che gioga las chauras, di il musicist da professiun da Danis-Tavanasa. Era tradescha il chantadur e cumponist chel na saja questa giada betg sco chantadur sin tribuna, quai surlaschia el a la segunda e a la terza generaziun.