Siglir tar il cuntegn

Header

audio
Scena ord il teater dal 1998: Ils Franzos a Trun
RTR
laschar ir. Durada: 02:15 minutas.
cuntegn

L'uniun da teater Trun tschertga in reschissur

Dapi 2009 n'ha l'uniun da teater Trun betg pli preschentà in toc. L'ultim è stà «Ils determinads» dal scriptur Elias Canetti. Reschia aveva Linus Livers manà.

Tadlar

L'uniun da teater Trun existia anc, almain sin il palpiri, di Silvio Albin. Mo ins stoppia discurrer dad in «comité ad hoc», e da quel fan part sper el Andrea Manetsch, Maria Rensch e Clau Lombriser.

Betg chattà acturas ed acturs

Ed els veglian realisar il toc «Davos ils set binaris», in toc che sa basa sin il film da Kurt Früh: Hinter den sieben Gleisen. Quest toc era vegnì menziunà la prima giada a la radunanza generala da l'uniun il 2010. Ins vuleva dar quest toc il 2012 a chaschun dal giubileum da 100 onns Viafier retica, declera Silvio Albin. Mo quai na saja betg reussì pervia da la festa da chant chantunala a Trun e tuts eran engaschads là. Suenter saja il reschissur sa retratgs.