Siglir tar il cuntegn

Header

audio
Las lavurs da construcziun han cumenzà.
RTR/Gion Hosang
laschar ir. Durada: 2 minutas.
cuntegn

Sedrun: Nov hotel Oberalp cun abitaziuns per 24 milliuns francs

Avant tschintg onns ha lhotel Oberalp a Sedrun fatg concurs. Alura ha linterpresa Prime Elements SA da Cham (ZG) cumprà el. Uss han las lavurs per il nov hotel cumenzà.

Lemprim vegnan installadas sondas per la pumpa a chalira. Alura cuntinueschia la construcziun da las chasas cun abitaziuns en la part sut, ha ditg Marcel Thoma da Prime Elements a RTR. Planisà è ina chasa cun diesch abitaziuns, lautra cun set abitaziuns secundaras. En la part sura vers la via vegn alura construi in hotel cun 53 chombras dublas. Lhotel sa cumpona da dus bajetgs chèn colliads in cun lauter.

Far in pass en la dretga direcziun
La Prime Elements SA vul investir 24 milliuns francs per quest project. Els crajan en la regiun. Quella vegnia a sa sviluppar a moda positiva, betg sulet pervia da la colliaziun da skis Andermatt-Sedrun. Marcel Thoma spera ch'ils turistichers possian far in pass en la dretga direcziun quai che pertutga marketing, promoziun e purschida.
Previs èsi da finir las duas chasas cun abitaziuns fin latun 2017 e lhotel la stad 2018.

Dapli da «Total local»

Scrollar a sanestra Scrollar a dretga