Siglir tar il cuntegn

Header

audio
Il Bogn da famiglia Zernez.
Vischnanca Zernez
laschar ir. Durada: 2 minutas 49 Secundas.
cuntegn

Zernez: Festa da 10 onns Bogn da famiglia

La vischnanca da Zernez tira ina buna bilantscha suenter che la nova purschida exista dapi in decenni. Surtut il fatg chil Bogn da famiglia è ina purschida durant tut il onn, ha ina gronda valur turistica.

Rentabla na saja la gestiun dal Bogn da famiglia Zernez dentant betg, ha declerà il chanzlist da la vischnanca fusiunada da Zernez, Corsin Scandella. Ma ins na po era betg sulet valitar il quint a maun da las entradas e sortidas ch'il bogn generescha durant in onn. Da gronda valur saja er la purschida per ils scolars che han la pussaivladad d'emprender a nudar en vischnanca, ha suttastritgà il chanzlist.


Investir u laschar ir en malura
Dal 2005 aveva il suveran da Zernez da decider, sche la vischnanca vul investir 5 milliuns en ina sanaziun ed engrondiment dal bogn existent, u da far quint ch'il bogn svaneschia en paucs onns cumplettamain da Zernez. Suenter il gea da la populaziun ed in onn da fabrica, ha gì lieu l'avertura uffiziala dal Bogn da famiglia ils 16 da december 2006.


Party da stad
En occasiun dal giubileum da 10 onns, envida il Bogn da famiglia Zernez ad ina festa da stad cun musica e trategniment, ina olimpiada per famiglias e preschentaziuns dal ballet en laua da las «Limmat-Nixen».

Dapli da «Total local»

Scrollar a sanestra Scrollar a dretga