Co pudain nus transportar quai ch'i levan dir lezza giada uschia, ch'i vala er anc oz?
Passa 50 onns è il plevon Martin Fontana vidlonder da translatar la bibla en rumantsch sursilvan. Uss ha l'universitad da Turitg undrà Martin Fontana cun il docter honoris causa per ses merits. Suenter il Nov Testament (1988) è ina cumissiun ecumena vidlonder da translatar er il Vegl Testament. Gia cumparids èn ils cudeschs profetics, ils psalms ed ils cudeschs poetics.
Martin Fontana che scriva era lirica, è stà plevon a Castrisch, Riein e Favugn ed abitescha oz a Flem, nua ch'el è naschì l'onn 1934. En l'emissiun raquinta el l'istorgia da la bibla rumantscha e co ch'ins translatescha la bibla dal ebraic en rumantsch.
Redacziun: Gabriela Desax