Siglir tar il cuntegn

Header

audio
Liora Abergel sco uffant en costum da princessa
MAD
laschar ir. Durada: 59:30 minutas.
cuntegn

Liora Abergel – «Purim duai esser in di ventiraivel»

Purim è ebraic e vul di tant sco sort, destin. Ma purim vul er dir casualitad perquai ch'en l'imperi persian avessan tuts gidieus duì vegnir mazzads en in di. E purim è quel di da festa che celebrescha che quai n'è betg succedì.

Tadlar emissiuns

Purim vegn festivà en il rom da la famiglia dentant er cun amis. Il spezial è che cartentas e cartents s'entaupan en la sinagoga decorada e blers vegnan costumads sco quai ch'ins enconuscha dal tschaiver.

«Igl è ina festa legra, legraivla, cun bler da mangiar e da baiver», di Liora Abergel che lavura per la Federaziun Svizra da las communitads israelitas.

Il past da festa è in dals duairs da quella festa, sco era il far regals e donaziuns. In ulteriur duair è dad ir en la sinagoga e tadlar il cudesch Ester. Ester ch'era la dunna dal retg dals Persians e ch'ha gidà da spendrar ils gidieus.

Purim vegn quest onn festivà ils 25 e 26 da favrer.