Siglir tar il cuntegn

Header

audio
Leza Dosch davant ils maletgs da la mort
RTR
laschar ir. Durada: 62:56 minutas.
cuntegn

Nova vita per la mort da Cuira

Uschia sco che la mort era preschenta en il mintgadi dals umans d'antruras, aveva ella er inspirà numerus artists e numerusas artistas per lur ovras d'art. In exempel spectacular è in'ovra dart, creada l'onn 1543 en noss conturn: ils maletgs da la mort da Cuira.

Sendung hören

Suenter ch'els eran magasinads onns a la lunga davos il mirs da deposits, pon ins ussa puspè contemplar quel ciclus da 25 maletgs. Quels mussan la mort en furma d'in skelet che stira las pli differentas persunas ord la vita - ritg e pauper, giuven e vegl, papa e pur. Il pictur dals maletgs da la mort n'è betg enconuschent – mo che quel ha picturà suenter graficas da l'artist renumà Hans Holbein.

Ensemen cun var 70 objects prezius sco ina trucletta romana dal 4. tschientaner, ina monstranza dal temp gotic u er ina plauna or da taila pseudo-araba furman ils maletgs da la mort in dals pli custaivels stgazis episcopals dal Nord da las alps. El è actualmain exponì en il nov museum da la catedrala a Cuira.

Singulas contribuziuns