Siglir tar il cuntegn

Header

cuntegn

Tge senn fa la Rogaziun federala anc en il temp dad oz?

La terza dumengia da settember duessan las cuminanzas religiusas en Svizra celebrar la Rogaziun federala. Quai prescriva il stadi. La Rogaziun federala è il sulet firà interconfessiunal ch'è ordinà da la Confederaziun. Quai è in fatg extraordinari.

Sendung hören

Ils davos tschientaners eran tals dis da rogaziun savens ina resposta sin temps da crisa (guerras, terratrembels, malsognas etc.). Las interpretaziuns da temps passads, per exempel la crisa sco expressiun da la gritta da Dieu, na pon ins oz betg pli far valair. Svizzers e Svizras n'appartegnan oz era betg mo pli a la baselgia cristiana, dentant a differentas cuminanzas religiusas. Ubain ch'els perdan pli e pli il liom tar la religiun.


Tge senn fa la Rogaziun alura anc ozendi, en in temp da multireligiusadad ed ateissem?
La teologa ed assistenta pastorala en la plaiv da Glion, Flurina Cavegn-Tomaschett, raquinta da la lunga tradiziun da quel firà, co ch'el vegn celebrà ozendi e tge particularitads ch'i dat en connex cun la Rogaziun federala en differents chantuns svizzers. Ed – ella valitescha la muntada e l'intenziun da quel firà.

Singulas contribuziuns