Vita e cretta dals 04.04.2021

Ellas èn soras e figlias da plevon. Ed ensemen fan ella dapi in onn in podcast cun il num «Unter Pfarrerstöchtern». Ellas èn Sabine Rückert, schurnalista e suppleanta dal schefredactur da la gasetta tudestga «Die Zeit» e Johanna Haberer, professuressa per teologia a l'Universitad dad Erlangen. Dapi che 30 uras istorgias or da la Bibla han ellas gia raquintà. E stuffas n'èn ellas anc ditg betg.

Cronologicamain mainan ellas ils auditurs e las audituras tras la scrittira sontga – rivadas èn ellas entant pir tar l'onuraziun dal vadè d'aur. «Unter Pfarrerstöchtern» è in podcast fitg instructiv, ma mai magistral. En l'emissiun «Vita e cretta» raquintan las duas soras, co ch'ellas èn vegnidas sin l'idea da far in podcast davart la Bibla e pertge ch'ellas han da porscher dapli che ina pregia en baselgia.

Andri Casanova è creschì si a Vrin. Sco teolog sengascha el per lingua e religiun. El viva actualmain a Son Gagl.