Per questa acziun han ins aposta cunstruì ina cella là, nua che Wiborada era mirada en avant bundant 1'100 onns. L'acziun fa part dal project ecumenic "Wiborada 2021", che ha lieu dals 23 d'avrigl enfin ils 3 da fanadur a Son Gagl. Cun quel project less ins render attent a quella dunna, ch'ha vivì durant il dieschavel tschientaner e ch'era ordvart impurtanta per la citad da Son Gagl.
En Vita e cretta raquinta l'inizianta Hildegard Aepli, pertge che la sontga Wiborada è stada talmain speciala ed impurtanta. Ed ella raquinta da sia emna sco inclusa en la cella da "Wiborada 2021".