Bundi Ryser cun ina carriera extraordinaria

Ils 22 da zercladur 2012 è Johanna Bundi Ryser vegnida elegida sco emprima dunna vicepresidenta da la Federaziun svizra dals funcziunaris da polizia (VSPB). Ella è oriunda da Sumvitg.

Johanna Bundi Ryser, vicepresidenta da la Federaziun svizra dals funcziunaris da polizia. Bild in Lightbox öffnen.

Legenda da maletgs: Johanna Bundi Ryser, vicepresidenta da la Federaziun svizra dals funcziunaris da polizia. vspb.org

Oriundamain ha Johanna Bundi Ryser emprendì da tgirunza. Silsuenter ha ella fatg la scolaziun da policista en il Grischun. Suenter la scolaziun ha Bundi Ryser lura lavurà sin il post da polizia a Samedan e suenter 9 onns tar la polizia chantunala a Cuira en la partiziun d'investigaziun. L'incumbensa sco vicepresidenta da la Federaziun svizra dals funcziunaris da polizia è in pensum da 10 fin 15 %. Dasperas lavura Johanna Bundi Ryser sco policista, engaschada tar la confederaziun, e ha da sa fatschentar cun tut las dumondas dad esters. Sper sia lavur è ella era mamma dad in buob da 5 onns. (aw/rtr)