Forum cun Chasper Pult - Vadretgs e glatschers

Amez la stad pensain nus forsa mintgatant a la retratga dals glatschers. Ma tge èn insumma questas restanzas da glatsch vegl? E pertge datti dus nums en rumantsch e perfin in terz ch'è ì en emblidanza ma che nus vesain anc en ils nums sco Anarosa, Arosa, Rosatsch e Roseg? Glatschers èn bels ma era privlus. Cur che Barbla sfundra en ina sfessa na para quai betg da finir cun in happy-end. Per Giacumbert Nau dat ensemen la stad cura ch'il vadretg dat ensemen. Ils vadretgs èn en mintga cas dapli che glatsch vegl, era sch'il num deriva dal latin e signifitgescha vegl u veder, sco il chaschiel veder u sco il Firn tudestg che vegn da "fära" sco che noss vischins gualsers din. Redacziun: Chasper Pult

Forum cun Chasper Pult - Vadretgs e glatschers Bild in Lightbox öffnen.

Legenda da maletgs: Forum cun Chasper Pult - Vadretgs e glatschers RTR