Chasa Geli Maissen renovada

Quatter mais ha la lavur vid la chasa Geli Maissen a Sumvitg cuzzà. Uss ha il restauratur Ivano Rampa, sias gidantras ed ils picturs quasi finì. I resta anc da trair si ina liadira sin la part giudim dal mir. La fatschada haja puspè il caracter ch'el veva suenter la renovaziun da 1965/66. Mo per part hajan els stuì lavurar minuziusamain, e quai haja duvrar bler temp. La chasa Geli Maissen è vegnida construida en il 16avel tschientaner. Il patrun è probabel stà l'anteriur mastral e landrehter Geli Maissen. Ina pictura sin la chasa, l'um da fier, represchenta probabel questa persunalitad da Sumvitg.

Fatschada renovada da la chasa Geli Maissen a Sumvitg. Bild in Lightbox öffnen.

Legenda da maletgs: Fatschada renovada da la chasa Geli Maissen a Sumvitg. RTR, H. Giger