Ils piuniers da la viafier en il Grischun

L'Ollandais Willem Jan Holsboer (1834-1898) ha gì l'idea, l'inschigner Achilles Schucan (1844-1927) ha realisà ella ed il sindicalist Wilhelm Hew (1865-1938) e ses collegas han gidà cun lur engaschament quotidian che la viafier è daventada era en il Grischun in'istorgia da success. Els trais èn sper blers auters piuniers da l'emprima viafier a binaris stretgs en il Grischun, inaugurada ils 9 dad october 1889 tranter Landquart e Claustra. "Ils piuniers da la viafier en il Grischun" sa numna il film documentar per il giubileum da 125 onns Viafier Retica che Ruedi Bruderer ha realisà per la Televisiun Rumantscha. En il film vegnan a pled descendents da quests pioniers e mussà lieus ed eveniments impurtants en l'istorgia dals emprims onns da la Viafier Retica.