Moran "La Quotidiana" ed il "Bündner Tagblatt"?

Il schef dal concern da medias, Hanspeter Lebrument, metta en dumonda l'existenza da las gasettas "La Quotidiana" ed il "Bündner Tagblatt". Quai tenor in artitgel da la gasetta "Die Südostschweiz am Sonntag". Il mument examinescha l'uffizi federal da communicaziun BAKOM sch'il concern "Südostschweiz Medien" haja ina posiziun da monopol nunlubida che limiteschia la varietad d'ideas. Sche quai avess da vegnir confermà, alura ha Lebrument annunzià da vulair vender la Quotidiana ed il Bündner Tagblatt.

Tgè capita cun l'Agentura da novitads Rumantscha ANR en cas che Lebrument lascha murir la Quotidiana ed il Bündner Tagblatt Bild in Lightbox öffnen.

Legenda da maletgs: Tgè capita cun l'Agentura da novitads Rumantscha ANR en cas che Lebrument lascha murir la Quotidiana ed il Bündner Ta... RTR

Concessiun per Radio Grischa anc betg garantida

Il december passà aveva il tribunal administrativ federal dà raschun ad in recurs da Roger Schawinski. Lez aveva recurrì cunter la decisiun dal BAKOM da dar a la Südostschweiz cun ses Radio Grischa la concessiun, enstagl al Radio Sidost che Schawinski vul far cun Stefan Bühler. L'argument dal tribunal è stà ch'il BAKOM n'haja betg resguardà avunda l'aspect da monopol da medias. La decisiun definitiva tgi che survegn la concessiun è uss anc pendent tar il BAKOM.