A la tschertga d'offertas pli autas per la resgia gronda

17,13 milliuns francs per la resgia gronda a Domat. Quai è l'offerta d'in grond concern austriac. Quel na vul dentant betg manar vinavant il manaschi en il Grischun, mabain demontar la resgia e reconstruir ella insanua auter. Quai ha la giunta dals crediturs communitgà. Ella ha decidì da persequitar l'offerta vinavant. Enfin ils 20 da zercladur pon ils crediturs ed auters interessents inoltrar offertas pli autas. I saja enconuschent ch'i dettia ulteriurs interessents che vulessan manar vinavant la resgia a Domat. Offertas a scrit da quels interessents n'ha l'administraziun da concurs dentant anc betg. Sch'i na dat enfin ils 20 da zercladur naginas offertas pli autas, va la resgia per 17,13 milliuns francs a quel che ha offerì ils 17 milliuns. Sch'i vegn inoltrà in'offerta pli auta, datti ils 27 da zercladur in ingiant. (ec/comm.)

In concern austriac vul demontar la resgia gronda a Domat e reconstruir ella insanua auter. Bild in Lightbox öffnen.

Legenda da maletgs: In concern austriac vul demontar la resgia gronda a Domat e reconstruir ella insanua auter. mad