Alp Sprella: Organisaziuns d'ambient prendan influenza

Encunter il proget da midar l'Alp Sprella en Val Müstair en ina chamona dal Club alpin svizer CAS n'hai dà nagins recurs da persunas privatas. Quai conferma la vischnanca da Val Müstair. Tar il chantun han annunzià quater organisaziuns d'ambient lur partecipaziun a la procedura per la permissiun da construcziun dad in fabricat dador la zona da construcziun: La Pro Natura GR, il WWF GR, la Fundaziun svizra per la protecziun da la cuntrada e Mountain Wilderness. Tar il CAS èn ins cuntent ch'i n'ha dà nagins recurs da persunas privatas. Per ulteriuras discussiuns cun las organisaziuns d'ambient è il CAS pront. Il CAS metta dentant pais sin il fatg ch'ins haja gia fatg diversas concessiuns per il proget actual - per exempel desista il CAS sin la gestiun d'enviern dad ina futura chamona CAS Alp Sprella. (ds/RTR)

L'alp Sprella en il Val Müstair. Bild in Lightbox öffnen.

Legenda da maletgs: L'alp Sprella en il Val Müstair. RTR