Camembert da Val S. Pieder

I na sa chapescha betg da sasez che la chascharia da Val S. Pieder sa producir in chaschiel frestg da Camembert. Per savair far quest chaschiel dovri spezialists. La differenza tranter in chaschiel da muntogna ed in Camembert è uschè gronda sco sch'in pasterner produciss tuttenina pralinas. A Val hai duvrà investiziuns en differentas apparaturas, tranter auter ina stgaffa da climatisar per savair producir quest chaschiel spezial. Quella stgaffa custa suletta gia vers 15'000 francs. Qua ha il Agid Svizzer per la Muntogna sustegnì la chascharia da Val. Ussa producescha Paul Wyss 1500 kilos da quest chaschiel ad onn. Cun mintga chaschada sa el far 140 da quels chaschiels spezials da circa 200 grams. En relaziun cun las 42 tonnas chaschiel da muntogna ch'el fa para quai pauc, i saja dentant in product da nischa che creescha dapli valur. La vendita dal chaschiel spezial fa Paul Wyss surtut en l'atgna stizun. Dasperas furnescha el era la hotellaria sco per exempel il hotel 7132 a Val ed il hotel Waldhaus a Flem. Era tar sia clientella s'audan pliras stizuns dal Denner en la regiun da Flem Laax. Il chaschiel da Camembert da Val S. Pieder haja potenzial, manegia Wyss, e cun in surrir manegia el ch'el faschess gugent dapli da quella spezialitad.

Paul Wyss. Bild in Lightbox öffnen.

Legenda da maletgs: Paul Wyss. RTR, L. Livers