La baselgia catolica

Cura ch'i vegn discurrì da la baselgia catolica, lura aud'ins bleras titulaziuns sco cardinal, decan u diacon e lura suondan nums d'unitads sco uvestgieu, decanat u diocesa. Ma tge che sa zuppa davos quests terms è magari main cler. Insumma na para l'entira structura da la baselgia catolica betg propi d'esser simpla da chapir.

La structura da la baselgia catolica

Avant che dar in'egliada sin las structuras da la baselgia catolica guardain nus in stgalim anc pli aut. Numnadamain sin la baselgia en general ed il cristianissem.

Elecziun dal nov Papa

Ils 13 da mars 2013 han ils cardinals elegì suenter mo 5 scrutinis il cardinal argentin Jorge Mario Bergoglio sco nov Papa. El ha elegì il num Francestg. Jorge Mario Bergoglio ha 76 onns, era archuvestg da Buenos Aires. Il gesuit daventa uschia nov parsura dals rodund 1,2 milliardas catolics. Papa Francestg è era l'emprim Papa che n'è betg da l'Europa. Suenter che l'anteriur Papa Benedetg XVI. aveva annunzià ils 11 da favrer ch'el sa retiria da ses post sco Papa ha il conclave cumenzà ils 12 da mars 2013.

Beatificaziun da Papa Gion Paul II

Mo sis onns suenter sia mort è Papa Gion Paul II vegnì beatifitgà da ses successur, Papa Benedetg XVI. La ceremonia è stada ils 1 da matg a Roma. In milliun cartents e represchentants da 90 pajais han accumpagnà l'act festiv sin la Plazza da son Peder. Papa Gion Paul II duai avair fatg ina miracla ed avair curà ina mungia da la Frantscha che pativa da la malsogna da parkinson.

Dispitas-en-il-uvestgieu-da-Cuira

En l'uvestgieu da Cuira dattan las decisiuns da persunal da l'uvestg Vitus Huonder adina puspè da discutar. Cunzunt en il chantun da Turitg n'èn ins betg cuntent cun quellas. Pervi da tut ils schuschuris ch'igl ha dà, handuas persunas cun posts impurtants bandunà l'uvestgieu aifer curt temp . Per l'ina è quai stà il manader dal seminari da spirituals a Cuira, Ernst Fuchs, e gnanc duas emnas pli tard ha il vicari general, Andreas Rellstab demissiunà. Sinquai hai dà da bleras varts critica envers l'uvestg e sia tenuta da manar.

(gh/md/fa)