Spurt final en il museum da Hobbits

En strusch in mais vul Bernd Greisinger avrir ses museum sutteran a Jenins. En quel preschenta el sia gronda collecziun da requisits, litteratura ed objects sur dals films da success ‘Herr der Ringe' e ‘Der Hobbit'.

Planisà è ch'il museum da Bernd Greisinger vegn avert ils 7 da settember 2013. Questa data saja fix, il museum avria sias portas sco planisà, di Greisinger ch'è oriund da la Germania. In mais avant l'avertura eran anc divers mastergnants vid lavurar, la gronda part da las stanzas era dentant bunamain finidas. Surtut ils maletgs, cudeschs, requisits e l'illuminaziun mancavan anc. Quels èn dentant gia avant maun, ston sulettamain anc vegnir installads. (rtr/ul)