Ils Rumantschs a l'EURO da las minoritads

La segunda Europeada - il campiunadi da ballape da las minoritads linguisticas en l'Europa - ha gì lieu quest onn dals 16 fin ils 24 da zercladur 2012 en la Lausitz en la Germania. Ella è vegnida organisada da la minoritad dals Sorbs. Da la partida è er stada ina squadra rumantscha. Sa chapescha che RTR ha rapportà da quest turnier europeic. Dus redacturs han fatg viadi en la Lausitz, els han rapportà direct dal lieu, accumpagnà la squadra rumantscha, han declerà las sfidas e schanzas dad autras minoritads linguisticas en l'Europa, minoritads cumparegliablas cun ils Rumantschs.

Impressiuns dals victurs da l'Europeada

Final Europeada.mp4

Novitads davart l'Europeada 2012

Victoria per Tudestgs dal Tirol dal sid

Ils Tudestgs dal Tirol dal sid han gudagnà l'Europeada, il campiunadi da ballape da las minoritads linguisticas en l'Europa.

Croats da la Serbia battan Slovens da Kärnten

En il final pitschen da l'Europeada han ils Slovens da Kärnten pers cunter ils Croats da la Serbia cun 0:1. Ils Croats da la Serbia èn uschia terzs. (fa/rtr)

Roma da l'Ungaria fruntan sin Tudestgs dal Tirol dal sid

Tar l'Europeada, il campiunadi europeic da ballape da las minoritads linguisticas en l'Europa, datti il suentermezdi il final tranter ils Roma da l'Ungaria cunter la squadra dal Tirol dal sid tudestg.

Nagin plaz da podest per ils rumantschs

Tar l'Europeada, il turnier da ballape da las minoritads, èn oz ils mezfinals. Damaun è il final. Clar èsi ussa gia, ils rumantschs gudognan betg, els n'èn betg sa qualifitgads per il quart final.

Las bunas olmas da la squadra rumantscha

Per l'equipa rumantscha è l'Europeada a fin. Ier han ils giugaders rumantschs dà lur ultim gieu e gudagnà quel cun 1:0 cunter Wales.

Rumantschs gudognan ultim gieu

L'Europeada es ida a fin cun ina victoria per l'equipa rumantscha. Ils Rumantschs han battì Wales cun 1:0.

Situaziun dals Sorbs sumeglianta a quella dals Rumantschs

En la Lausitz, il lieu dal campiunadi europeic da ballape da las minoritads linguisticas 2012, è la situaziun dals Sorbs magari sumeglianta a quella dals Rumantschs. Tenor lescha vessan tut ils placats e tut las signalisaziuns publicas e da traffic dad esser en dus linguatgs. En la Lausitz fiss quai en tudestg ed en sorb. Dentant quai na funcziuna betg adina sco stuess esser. (rm/rtr)

Ulteriura terrada per ils Rumantschs

La squadra rumantscha dad Eros Bonolini ha pers er la terza partida da ballape a l'Europeada, il campiunadi da ballape da las minoritads linguisticas en l'Europa. La minoritad dals Tudestgs en la Russia ha gudagnà la partida cleramain cun 6:0. Cun quai na cuntanschan ils giugaders rumantschs betg pli il quartfinal dal turnier en la Lausitz en Germania. Els vegnan a giugar a partir da gievgia las partidas per ils ultims rangs. L'Europeada cuzza anc fin ils 24 da zercladur. (ec/rtr)

19 minoritads linguisticas discurran la medema lingua

La lingua unitara è il sport, en cas da l'Europeada il ballape. Durant in'emna s'inscuntran 19 squadras en la Lausitz per sa mesirar en in turnier da ballape, ma er per barattar experientschas.

Segunda terrada per ils Rumantschs

Segunda terrada da la squadra rumantscha a l'Europeada. Il team da ballape dad Eros Bonomini n'ha betg gì grondas schanzas cunter la squadra dals Romas en Ungaria. Il resultat suenter 90 minutas è stà cun 0:9 pli che cler.

Sorbs èn ospitants da segunda Europeada

Ina da las 19 minoritads linguisticas preschentas a la Europeada da ballape dals 16 fin ils 24 da zercladur èn ils Sorbs.

Rumantschs perdan cunter Slovacs da l'Ungaria

En l'Europeada 2012, il turnier da ballape per minoritads linguisticas en la Lausitz en Germania, ha la squadra rumantscha pers cunter la squadra minoritara slovaca en l'Ungaria cun 0:2. (ac/sd/rtr)

Europeada: Squadra rumantscha cumpletta

Fertant ch'i n'era l'avrigl cun 10 giugadurs anc betg clar, sch'i dat ina squadra rumantscha cumpletta per l'Europeada 2012, èsi ussa avunda. Tenor infurmaziuns da la squadra èsi ussa 18 giugadurs.

Anc adina tschertgà giugaders

L'uniun da la giuventetgna rumantscha GiuRu è anc adina sin la tschertga da giuvens Rumantschs ch'èn pronts da represchentar l'equipa rumantscha a l'Europeada 2012 en la Lusazia en la Germania.

Ballape: Rumantschs dattan a l'Europeada 2012

La Svizra n'è betg pli da la partida cura ch'i vegn tratg la sort questa saira a Kiev tgi che dat encunter tgi a l'Euro 2012 da ballape en la Pologna e l'Ucraina. Ils Rumantschs han dentant in'alternativa: L'Europeada 2012, il champiunadi d'Europa da ballape da las minoritads linguisticas.

Rumantschia va a l'Europeada 2012

Fertant che la Svizra ha mo pli pitschnas schanzas da sa qualifitgar per l'EURO 2012 en la Pologna e l'Ucraina, è gia uss cler che la Rumantschia va a l'Europeada 2012, il turnier da ballape da las minoritads linguisticas da l'Europa.