Emprim videobook rumantsch

Il november da l'onn passà ha la SRG SSR realisà la seria tematica "ils Svizzers". En il rom da quest project èsi vegnì stgaffì in uschenumnà videobook, ina applicaziun per I-Pad u tablet.

L'emprim è quest applicaziun vegnida stgaffida per tudestg, talian e franzos. Dapi ier datti quella er en Rumantsch e quai dal tuttafatg gratuit. In novum absolut. Igl è numnadamain insumma l'emprim Videobook rumantsch. Ins po chargiar giu el sin l'Appstore. L'applicaziun è adattada sulettamain per I-pad u tablets (rtr/ec)

Ils Svizzers

Cun il mais tematic "Die Schweizer – Les Suisses - Gli Svizzeri – Ils Svizzers" ha la SSR vulì intimar il public durant il november 2013 da s'occupar da l'atgna istorgia. RTR Radiotelevisiun Svizra Rumantscha ha mess ses accent sut il titel "Nus – quai èn ils auters". Sch'i va per patria ed identitad, gidan savens clischés. Ins sa tgi ch'ins è, ins sa, tgi ch'ils auters èn ed ins na sto betg patratgar. RTR ha raquintà las istorgias latiers.