Forum cun Chatrina Gaudenz – Martin Luther e sia biografia

Prest 500 onns èn passads dapi che Martin Luther ha pruvà da refurmar la baselgia catolica. Ed il grond refurmatur ha bain mess bler en moviment, el n'è però betg stà bun da refurmar la baselgia e cun el ès ì ad aua er l'universalissem cristian. Però precis quest naufragi ha gì consequenzas – unitads culturalas e politicas pli pitschnas s'han furmadas en l'Europa. Sin il fundament dal cumbat per la libertad da Martin Luther è naschì il pluralissem. Ina sumeglianta unitad pitschna che s'ha emancipada – er grazia a la refurmaziun – è stada l'Engiadina Bassa. La refurmaziun ha engrondì sia distanza vers Puntina e Cuira, damai vers ils prinzis tirolais ed ils uvestgs da Cuira. Motiv avunda per bittar uss – bainprest 500 onns pli tard – in'egliada sin il grond refurmatur, sin sia vita, ses pensar ed agir. En il Forum preschenta Chatrina Gaudenz ina biografia remartgabla da Martin Luther, scritta da l'istoricher Heinz Schilling. Redacziun: Chatrina Gaudenz

Martin Luther Bild in Lightbox öffnen.

Legenda da maletgs: Martin Luther mad/srf

Dumondas, giavischs, cumpliments u critica?

Vus pudais gist contactar la persuna ch'è responsabla per l'emissiun.