Cuche & co. dattan golf per atlets giuvens

Sche giuvens cumenzan a far in sport, sche vegn quai per regla spert char. Par gidar als giuvens ed a lur famiglias ha Paul Accola funda ina fundaziun. La "Paul Accola Nachwuchs Stiftung". Gia per la 9avla giada ha quella fundaziun organisà in turnier da golf da charity per rimnar raps per giuvens sportists cun ambiziuns. Questa giada profitan Alina Meier (passlung) e Yannick Caduff (ski alpin) ed auters sportists giuvens.

Didier Cuche, Elias Ambühl, Gian Gilli, Paul Accola sez e blers auters prominents or dal mund dal sport èn oz scuntrads sin la plazza da golf ad Alvagni. Il suentermezdi han els giugà. 14 gruppas da 4 giugaders èn stads da la partida, mintga gruppa era sponsurada cun CHF 2'500.- Ils raps ch'els han rimnà èn la saira vegnids surdads als talents giuvens. Nus avain accumpagnà ils promis sin lur percurs tar las 18 rusnas il suentermezdi. (rtr/cn/gc)