Nova scola superiura d'economia per il Grischun

Davent da questa stad datti ina nova scola superiura d'economia a Cuira. Quella è vegnida fundada l'emna passada da Marcel Brändli, Martin Bundi, Petra Margadant e Ruedi Patt. Mardi han els preschentà la scola a las medias.

Da sanester a dretg: Marcel Brändli (manader da scola, marketing), Petra Margadant (administraziun, e-learning), Ruedi Patt (infrastructura, cussegliaziuns), Martin Bundi (president cussegl d’administraziun, finanzas, persunal). Bild in Lightbox öffnen.

Legenda da maletgs: Da sanester a dretg: Marcel Brändli (manader da scola, marketing), Petra Margadant (administraziun, e-learning), Rued... mad

Tge è auter ch'en autras scolas? La nova scola porscha perfecziunaments e scolaziuns sin il champ da l'economia. La finamira saja da cumplettar la spierta ch'i dettia gia a Cuira, ha Marcel Brändli declerà envers il Radio Rumantsch. En differenza tar la ibW u era la HTW saja quai uschia ch'ils students da la nova scola possian metter ensemen sez lur studis. Els pon damai decider sez tgenins moduls ch'els vulan visitar. Finamiras ambiziusas Las emprimas scolaziuns cumenzan quest avust. Gia en in onn vulessan ils fundaturs lura avair 80 students. Quels dovran els numnadamain era per scriver ina nulla naira e per pudair sviluppar enavant la scola. Ina part dals docents hajan els gia pudì recrutar. Quels vegnian surtut or da la pratica e fetschian la lavur da docent daspera, uschia Marcel Brändli. Tranter 60 e 70% da la spierta pon ils 4 fundaturs da la scola en pli occupar sez cun lur experientscha sco docents. (rtr/mü)