Parc natiral Beverin ha uffizialmain muntada naziunala

Il Parc natiral Beverin ha survegnì uffizialmain il label "Parc da la natira regiunal da muntada naziunala". Surdà quest label ha la cussegliera federala Eveline Widmer-Schlumpf a Ziran en Val Schons.

La cussegliera federala Eveline Widmer-Schlumpf surdat il label al Parc natiral Beverin: er cusseglier guvernativ Martin Jäger è stà a la surdada. Bild in Lightbox öffnen.

Legenda da maletgs: La cussegliera federala Eveline Widmer-Schlumpf surdat il label al Parc natiral Beverin: er cusseglier guvernativ Mar... RTR, F. Belotti

Eveline Widmer-Schlumpf crai, ch'il parc vegnia a daventar ina attracziun per l'entira Svizra ed era per l'exteriur. En ses pled ha ella accentuà la gronda muntada turistica dal Parc natiral Beverin. Cun il label "Parc da la natira regiunal da muntada naziunala" è l'avegnir dal Parc natiral Beverin garantì per almain 10 onns. La surdada dal label vegn festivada oz l'entir di a Ziran, e quai sut il motto "Nus inventain il futur!". Tranter auter ha Stefan Heuss ch'è enconuschent da l'emissiun "Giaccobbo/Müller" preschentà sias invenziuns. A la festa èn dentant era sa participadas differentas musicas instrumentalas. (rtr/fb)

Stefan Heuss ha preschentà sias invenziuns. Bild in Lightbox öffnen.

Legenda da maletgs: Stefan Heuss ha preschentà sias invenziuns. RTR, F. Belotti

L’artist indigen Guido Keller ha creà la mascotta per il parc. Bild in Lightbox öffnen.

Legenda da maletgs: L’artist indigen Guido Keller ha creà la mascotta per il parc. RTR, F. Belotti